સાહિત્ય
કવિતા કોર્નર

કવિતા કોર્નર

એમ થોડું કઈ ચાલે !!
ઉઘાડ્પગે મળવા આવું ગજવે વસંત ઘાલીને
સુગંધ નામે વગડો દઈ દે એમ થોડું કઈ ચાલે
દિલના ક્યારે રોપેલા લીલ્લાછમ્મ વિશ્વાસો પર
તું સુક્કે સુક્કો શ્વાસ છાંટી દે એમ થોડું કઈ ચાલે
કેટલા દિવસે કરગરીને મેં ચાંદો આજ ઉગાડ્યો
તું આખો ઉપર પડદા દઈ દે એમ થોડું કઈ ચાલે
એક ઈશારે આખું આયખું ચિતા પર ધરવા ટાણે
સુખડ બદલે ઘાસ દઈ દે એમ થોડું કઈ ચાલે
સમી સાંજે થાક્યા પાક્યા દાવ મારો જ્યાં આવે
કોઈ અજાણ્યા ને ખો દઈ દે એમ થોડું કઈ ચાલે
કેટલી લાંબી જહેમતથી મળ્યો ચેક-મેટનો મોકો
વજીર ને બદલે પ્યાદું ધરી દે એમ થોડું કઈ ચાલે

….તો સાચું !!!
ક્યાં હોઈ છે બહુ અઘરું હસતી આખો ને વાંચવું
મૌન માં પડઘાતા ડુંસ્કાઓ સંભળાય તો સાચું
રાખું ખુલ્લી તો ફટ કરતાંક હજારો ઉત્તર મળે
બંધ મુઠ્ઠી ના સઘળા ભેદ ઉકેલાય તો સાચું
બની શકે મોકો ફક્ત હાથ જ મેળવવાનો મળે
આંગળીમાં થીજેલું આલિંગન અનુભવાય તો સાચું
વાયરાનું તો કામ જ સઘળું સંગાથ લઇ ઉડવાનું
પછીતે છપાયેલા ચાર પગલા સચવાય તો સાચું
થાય મળવાનું અજાણ્યા ચહેરાઓના ટોળા વચ્ચે
ઓટલે બેઠેલી આંખોમાં એક ચહેરો સચવાય તો સાચું

શોધ …..!!!
ઉઝરડાની બીક રાખીશ તો બગીચો નહિ દે ઘુસવા
કાટા ઓ વચ્ચેથી ફૂટતી એક માસુમ કળીને શોધ
વિસ્ફારિત આંખોમાં ભૂલા પડવાનો ભય કેમ રાખે ?
વર્ષાવનમાં લંબાતી એક સુમસામ પગદંડીને શોધ
તાપણું મતમતાંતર નું મળતા હૈયે સદાયે સળગશે
દલીલોની બોછારોમાં ખીલતી હુંફાળી દોસ્તીને શોધ
રંગો ઢોળી કેનવાસ પર ને ટેકવ આંગળી હડપચી એ
લસરકે લસરકે ચીતરાતી રંગીન કલ્પનાઓને શોધ
રોજ ઉભવાનું છે અરીસે મઢેલી દીવાલો ની સામે જ
સેક્ડોમાંથી કોશિશ કર ને તારા જ પ્રતિબિંબને શોધ
ઉઝરડાની બીક રાખીશ તો બગીચો નહિ દે ઘુસવા
કાટા ઓ વચ્ચેથી ફૂટતી એક માસુમ કળીને શોધ

કારણ ખબર નહિ….!!!
સાવ અકારણ અટકી ગઈ દોડતી જિંદગી
આ ઠહરાવ છે તો છે , કારણ ખબર નહિ
આમ તો છત પર ક્યાં ખાસ કોઈ ભાર હતો
દીવાલ નમી છે તો છે , કારણ ખબર નહિ
એટલું પણ હોતું નથી વેર મોજા અને હોડીને
પતવાર ફાટી છે તો છે , કારણ ખબર નહિ
સબંધો ની સીમાઓ ક્યાં સુધી લંબાવું બોલ
ડગલું આખરી છે તો છે, કારણ ખબર નહિ
ગજું કેટલું પાંપણનું કે રોકી લે આંસુઓને
ભીનાશ ઓશીકે છે તો છે, કારણ ખબર નહિ
સાવ અકારણ અટકી ગઈ દોડતી જિંદગી
આ ઠહરાવ છે તો છે , કારણ ખબર નહિ

Share this Story

Related Posts

ભેળપુરી સમાચારપત્ર

ખટ-મીઠ્ઠી ભેળપુરી હવે સીધા તમારા મેઈલ પર મેળવો.

About Ajay Upadhyay

Ajay Upadhyay

A Great poet and top of that a wonderful human being and very good friend of team Bhelpoori; Mr. Ajay Upadhyay has provided with his wonderful Gujarati poem's for our readers.

તાજા લેખો

ગોંડલના મહારાજા ભગવતસિંહજીએ એક કંસારાની દુકાન બહાર ફૂટપાથ પર વાસણો ભરેલો કોથળો જોયો ત્યારે…

ગોંડલના મહારાજા ભગવતસિંહજીએ એક કંસારાની દુકાન બહાર ફૂટપાથ પર વાસણો ભરેલો કોથળો જોયો ત્યારે…

ઓટીજી (ઓવન) અને માઈક્રોવેવ બંને વચ્ચે આ ફરક છે – ઘણાને ખબર જ નથી એ ચોંકી જશે

ઓટીજી (ઓવન) અને માઈક્રોવેવ બંને વચ્ચે આ ફરક છે – ઘણાને ખબર જ નથી એ ચોંકી જશે

સ્પૅનમાં સાઈકલ રેસ દરમિયાન એક પ્રતિસ્પર્ધીની સાઈકલમાં પંક્ચર થઈ ગયું ત્યારે…

સ્પૅનમાં સાઈકલ રેસ દરમિયાન એક પ્રતિસ્પર્ધીની સાઈકલમાં પંક્ચર થઈ ગયું ત્યારે…

જયારે કોર્ટની બહાર ચા વેચનારાની દીકરી એ જ કોર્ટમાં જજ બની અને પછી…..

જયારે કોર્ટની બહાર ચા વેચનારાની દીકરી એ જ કોર્ટમાં જજ બની અને પછી…..

પાકિસ્તાન સેમી-ફાઈનલ માં આવી શકે છે – આ રહ્યો રસ્તો જે પાકિસ્તાની પ્લેયર્સને ખબર છે

પાકિસ્તાન સેમી-ફાઈનલ માં આવી શકે છે – આ રહ્યો રસ્તો જે પાકિસ્તાની પ્લેયર્સને ખબર છે

87 વર્ષીય આ પટલાણીએ જીતી લીધા કરોડો ભારતીયોના દિલ – વિડીયો કલીપ જોવા જેવી છે

87 વર્ષીય આ પટલાણીએ જીતી લીધા કરોડો ભારતીયોના દિલ – વિડીયો કલીપ જોવા જેવી છે

ભારતમાં પ્રથમ ક્રિકેટ ઇસ 1721માં અહિયાં રમાયું હતું – આ રાજ્યનો ક્રિકેટ સાથે ખુબ જુનો સંબંધ છે

ભારતમાં પ્રથમ ક્રિકેટ ઇસ 1721માં અહિયાં રમાયું હતું – આ રાજ્યનો ક્રિકેટ સાથે ખુબ જુનો સંબંધ છે

error: Content is protected !!