શિયાળાની ઠંડી સવારના નુસખા

સરસ મજ્જાની ઠંડી ની સિઝન ની શરુઆત થઈ ગઈ છે. રોજ સવારે પેપર વાંચો તો માઈનસ ડિગ્રીના ન્યુઝ વાંચવા મળતા હોય છે. ત્યારે કડવો અમદાવાદી નામના ભેજાબાજ મલ્ટીટેલેન્ટેડ માણસે શિયાળા ના કેટલાક નુસખા આપ્યા છે જેને ફોલો કરીએ કરાવીએ અને ઠંડી સામે રક્ષણ મેળવીએ.

૧.) રોજ સવારે છાણના પોદળા ટપાવી ટપાવી ને જોગીંગ કરવાથી પગમાં થયેલો દુ:ખાવો મટાડી શકાય છે.
૨.) રોજ સવારે પાઈનેપલ જ્યુસ, નીરો, મગ, ચણા, ચીઝ ચટણી સેન્ડવીચ, ચોકલેટ તથા બટર ફ્લેવરનુ મસ્કાબન ખાવાથી વજનમાં ઘટાડો થાય છે.
૩.)રોજ સવારે ઝાડ પર ઉંધા માથે લટકી કપાલ ભારતી આસન કરવાથી ખરી ગયેલા વાળ (ટાલ) પાછા આવે છે.
૪.) રોજ સવારે એક કિલો કચરિયુ ખાધા બાદ ત્રણ ગ્લાસ પાણી પિવાથી જુની ઘર કરી ગયેલી ઉધરસ પાછી શરુ કરી શકાય છે.
પ.) શિયાળામાં ત્રણ ટાઈમ “રાજભોગ “આઈસ્ક્રીમ (ડોક્ટરે માન્ય કરેલ) ખાવાથી શરદી બંધ કરી શકાય છે.
૬.) રોજ સવારે સુર્યનમસ્કાર કરવાથી આખો દિવસ સુર્યદેવ ના તાપથી બચી શકાય છે.
૭.) ગર્લફ્રેન્ડ ને લોંગ ડ્રાઈવ પર લઈ જવાથી પેટ્રોલ નો બચાવ કરી શકાય છે અને વધુ ઠંડીનો અનુભવ કરી શકાય છે.
૮.) રોજ સવારે ઠંડા પાણીએથી સ્નાન કરવાથી આખો દિવસ મગજમાં ઠંડક રહે છે.
૯.) રોજ સવારે બધીર બાપુ નુ “ભો.પ.કાં.આં.દાં “આસન કરવાથી આખુ વર્ષ શરીર માં સુસ્તી આવી જાય છે.
૧૦.) રોજ સવારે લાફિંગ કલબ માં જવાથી છુટાછેડા થયી ગયેલા લોકોનુ ઘર ફરી વસે છે.
૧૧.)રોજ સવારે કાન માં ઈયર ફોન ભરાવી જોર જોર થી ગીતો ગીતો ગાતા ગાતા દોડવાથી કુતરાકુતરાઓ પાછળ પડતા નથી.
૧૨.) શિયાળામાં વહેલી સવારે અડધી બાંય નુ શર્ટ ઘુંટણ સુધી નો ચડ્ડો પહેરી દોડવાથી ઠંડી લાગતી નથી.
૧૩) શિયાળામાં રોજ રાત્રે ચા માં થોડુ દિવેલ ભેળવી પિવાથી આખુ વર્ષ ઝાડા થતાં નથી.
૧૪.) શિયાળામાં રોજ સવારે ડુંગળી લોશન અથવા ડુંગળી નો પલ્પ લગાવવાથી સ્કીન અને હોઠ ફાટતા બચે છે.
૧૫.) શિયાળામાં રોજ સવારે પત્નિના હાથના બનાવેલા વસાણા અડદિયા પાક ખાવાથી સાસુ ના ત્રાસથી બચી શકાય છે.
૧૬.) શિયાળામાં સાસુમાં ને ડ્રાયફ્રુટ્સ આપવાથી પત્નિનો પ્રેમ વધે છે.
૧૭.)રોજ સવારે બાબા રામદેવના યોગાસનો કરવાથી તુટી ગયેલા હાડકા ફરીથી જોઈન કરી શકાય છે.
૧૮.) રોજ સવારે ૫ કિ.મી દોડવાથી હાથપગ દુખતા મટી જાય છે.
૧૯.) કાનમાં રુ નુ પુમડુ ન ભરાવવાથી ઠંડી હવાનો નો અહેસાસ થાય છે.
૨૦.) રોજ સવારે તાપણાં માં (જો નવરી બજાર હોય ને કરતાં હોય તો) અથવા રાત્રે ડુંગળી બટાટા મરચા શક્કરીયુ શેકી ને ખાવાથી બાર્બી ક્યુ માં ફુડ નો ખર્ચો થતાં અટકે છે.
૨૧.) શિયાળામાં રોજ સવારે ,બપોરે અને સાંજે આ આર્ટિકલ વાંચવાથી, શેર કરવાથી, લાઈક કરવાથી, ઠંડીમાં ૫૦% રાહત અનુભવાય છે.
૨૨.) જો શિયાળામાં બરફ કે ગોલો ખાવાની ઈચ્છા થયી હોય તો નક્કીલેક માં ચમચી ચમચીએ બરફ કાઢી તથા આઈસ ક્યુબ કાઢી ખાવાથી બરફ ગોલા ની ઇચ્છા પુર્ણ થાય છે.

Leave a Reply

error: Content is protected !!